GURE COLLABORAKIT-A

Zerk bihurtzen du langunea oparo?

Lidergo sendoak, komunikazio irekiak, interakzio esanguratsuak eta estresari zein gatazkei modu osasungarrian aurre egiteko gaitasunak.

Helburua sinplea da: lan-ingurune solidario batean benetan garrantzitsuak diren bost arlo nagusiotan arreta jarrita, langileek beren langunea indartzeko gaitasuna lortzea, eguneroko lana erresilienteago, osasungarriago eta jasangarriago bihurtuko duten tresna hauek baliatuz:

• Lidergoa
• Komunikazioa
• Interakzioa
• Estresaren kudeaketa
• Gatazken konponbidea

CollaboraKit-a Lanbide Heziketako langileen ongizatea sustatzeko sortutako tresna-sorta digital praktikoa eta inspiratzailea da. WellBeing4VET ekimenaren baitan garatua, langileei eguneroko zereginetan ahalmena emango dieten tresnak, metodoak eta jarduerak biltzen ditu. Beharrak, jardunbide egokiak eta benetako esperientziak jarduera praktiko bihurtuz, CollaboraKit-ek erraztu egingo du ongizatea praktikan jartzea; hala nola taldeetan, langileen bileretan, tailerretan edo ongizate jardunaldietan.

Elkarrizketa sustatu eta lankidetza indartzen duten ariketetatik hasi eta hausnarketa, erresilientzia eta arazoen konponketa bultzatzen dituzten tresnetaraino, CollaboraKit-ek ongizatea ideia abstraktua izatetik egunero bizitako eta esperimentatutako zerbait izatera eramaten lagunduko du. CollaboraKit-ek pertsonak, harremanak eta gaitasunak jartzen ditu erdigunean, eta erakundeei laguntzen die lan-ingurune osasungarriagoak sortzen, non langileek entzunak eta baloratuak direla sentituko duten, eta lan-bizitza aldakorrak dakartzan erronkei aurre egiteko gaitasuna berenganatuko duten.

CollaboraKit-en xedea da elkarrekin hobeto lan egitea eta pertsonek zein erakundeek hazteko aukera izango duten lan-inguruneak sortzea.